Pilipinas, Aking Pintakasi - Tula

Pilipinas, Aking Pintakasi. The Tagalog word pintakasi used to refer to someone who mediates. The definition has now evolved and taken on new meanings in contemporary usage.

Aking Pintakasi

Pintakasi, aking bayang hinirang

Lundayan ng dunong, pugad ng tapang

Pag-alabin ang puso’t lahing pagal

Dinggin ang pagsamo’t apoy, tumagal

Hirang, iwaksi mo ang kasaysayan

Alisin ang piring sa aba mong bayan

Tupdin naming lubos ang ‘yong adhika

Magnasang sa mundo’y madarakila

O ‘Pinas, ganda mo’y ‘di magmamaliw

Sa yumi mong taglay, banyaga’y baliw

Ano’mg sikreto mo’t di ka maiwan?

Sa piling kaya’y kaya pang manahan?

Walang pagsidlan, tuwang nadarama

Paglingkuran ka’y tunay na ligaya

Ikaw ang kariktan ng aking puso

Makasama ka, sa’ki’y bumubuo

--------------------------------------------------------------------------------------------------------------------------

"Para sa akin, therapeutic ang pagsulat ng tula. May kaginhawaan talaga akong nadarama kapagg nakalilikha ako ng ganitong obra. Pakiramdam na nakakapagpalaya at nakapaghahatid ng kapayapaan sa aking kaluluwa."

-Ipinaskil ni Ryan Pecson