Captain Barbel

 

Captain Barbel

Ni April Joyce A. Bagaybagayan

Mistulang ibong lumilipad sa kalangitan

Na para bang nais libutin ang buong sanlibutan

Upang mga nangangailangan ay matulungan,

Handang sumaklolo kahit ang kapalit ma’y kamatayan.

Mayroon akong kilala, tila si Captain Barbel sa kagitingan

Oo, wala siyang taglay na kapangyarihan

Ngunit kayang ipagtanggol ang sambayanan

Buhay kaniyang inilaan, makamit lamang ang kalayaan.

Pluma at papel ang sandata sa labanan

Sa kamay ng mga dayuhang nanakop sa bayan

Kahanga-hangang tunay taglay na kabayanihan

Mga ambag niya’y nakatatak sa ating puso’t isipan.

Wala mang kapa ang kaniyang kasuotan,

Di man Captain Barbel, isigaw niyang pangalan.

Buong tapang na nakipaglaban, gamit ay ‘di dahas kundi karunungan,

Para sa lahing kayumanggi at minamahal niyang bayan.